Македонија ја има најдобрата ракометна фотографија во светот (ФОТО)

Веќе неколку години наназад, Интернационалната ракометна федерација (ИХФ) одржува избор за најдобрата фотографија од ракометните терени. На годинешниот конкурс се пријавиле бројни фотографи, а натпреварот беше заклучен на 20-ти мај кога започна проценката на стручното жири. Кон крајот на август резултатите пристигнаа, а стручниот совет на ИХФ се одлучи за две победнички фотографии.

Оваа година наградата за ИХФ Фотографија на Годината му припадна на Денис Дуковски, македонски фоторепротер, кој фотографира за македонскиот спортски колектив Вардар.

Наградената фотографија го одбележа и Светското првенство во Катар, а во главната улога е македонскиот репрезентативец Дејан Манасков како лебди во воздухот паралелно со теренот, на натпреварот меѓу Македонија и Иран.

Втората фотографија која е избрана за најдобра фотографија на годината е дело на познатиот француски фоторепортер Лорен Теофил, фотографирана на натпреварот од Лигата на шампионите меѓу Флори Лорет и ФТЦ Реил Карго Унгарија. На фотографијата е Александрина Кабрал Барбоса од Шпанија.

Двајцата фотографи се добитници на 5000 франци како награда од Интернационалната Ракометна Федерација.