Мачките се лек за душата и телото: Пренесуваат љубов, смируваат и лечат со своето предење!

Францускиот ветеринар Жан Ивес Гоше дошол до заклучокот дека предењето на мачките има лековито дејство затоа што смирува и ве ослободува од стрес, вознемиреност и несоница. Звукот на предењето влијае врз човекот како нежна музика која ги опушта нервите и поттикнува добро расположение.

Галењето со мачката исто така има терапевтско дејство: смирува, опушта и развеселува, а можно е и намалување на емоционалната неисполнетост, особено кај луѓе кои се осамени.

Членовите на семејството кое има мачка се поповрзани и полесно ги решаваат конфликтите.

По низа на истражувања, научниците откриле дека има разлика во предењето на мачката кога ужива и во моментите кога предупредува на некаква болест.

Според зборовите на светските ортопеди, фреквенција од 25 -200 Hz, која ја произведува мачката додека преде е најдобра за зацврстување на коските.

Според последните истражувања на кардиолозите, сопствените на мачки имаат 40% помал ризик од срцеви удари.

Експертите велат дека силната вибрација која ја произведуваат мачките влијае на забрзување на циркулацијата, а тоа допринесува кон намалување на отоците и елиминација на инфекциите од организмот.

Забележно е и дека заздравувањето по болничкото лечење е многу побрзо со присуство на мачка во куќата и дека животните позитивно влијаат на имунитетот.

Сета делотворност на мачките пред сѐ лежи во позитивните чувства кои ги поттикнуваат кај своите сопственици, затоа што убавите мисли значат и убав живот.

Да живеат мачките!