Многумина се согласуваат дека кога станува збор за врските, работите порано биле многу поедноставни. Овие проблеми со кои секојдневно се носиме во светот на љубовните состаноци, а кои нашите родители ги немале, се вистински доказ дека порано навистина било полесно.
Правилото „Не смееш прв/а да се јавиш“
Денес толку многу се теоретизира за тоа кој треба прв да се јави, што другиот ќе мисли и дали некој ќе делува премногу или премалку заинтересирано. Порано помалку се филозофирало, а повеќе се делувало.
Создавање впечатоци преку социјалните мрежи
Порано, првиот впечаток беше прв впечаток. Денес првиот впечаток се создава на социјалните мрежи, а дури и ако прво ја запознаеме личноста очи во очи, се обидуваме да дознаеме каква личност е преку социјалните мрежи.
Лажно претставување
Лажните или разубавени профилни слики и лажните животни стилови денес се сосема нормална појава. Нашите родители имале многу помалку компликации по тоа прашање: тоа што го гледаш, тоа и си го добил.
Натпреварување кој ќе биде посреќен по раскинувањето
Социјалните мрежи значат и многу поинакво однесување по раскинувањето. Новите генерации се натпреваруваат кој ќе победи во побрзо преболување во виртуелниот свет, нешто со коешто нашите родители не се замарале.
