Стари дрва, насaдени пред повеќе од 30 години се нова жртва на желбите на градоначалникот на општината Центар за збогатување и профит. Деновиве општината безмилосно издава одобренија за нови градби во пресрет на истекот на рокот по кои се одземаат законските ингеренции на градоначалниците поврзани со овие работи.
На градоначалникот Жерновски по важен му е личниот профит отколку здравјето на граѓаните и заштитата на животната средина, затоа без милосно издава одобренија за градба и сече повеќе годишни зимзелени дрва во Дебар Маало за сметка на изградба на нови згради кои ќе ја гушат населбата и ќе го зголемуваат сообраќајниот хаос во центарот на градот.
Граѓаните на социјалните мрежи коментираат дека ова е врв на дволичноста на градоначалникот Жерновски кои од една страна секојдневно се фотографира и промовира заштита на животната средина, а од друга страна со цел да оствари финанска корист бескруполозно го уништува зеленилото во општината.
