Ќе никнат нови згради во Скопје

Во октомври годинава се издадени 308 одобренија за градење, за 11,6 проценти повеќе споредено со октомври лани, при што е предвидена изградба на 562 стана.

Предвидената вредност на објектите изнесува 3.760.827.000  денари и е за 35,3 проценту помалку во однос октомври минатата година, објави денеска Државниот завод за статистика.

Скопскиот регион и натаму е со најмногу нови дозволи за градење, чиј број во октомври изнесувал 84. По него следат Полошкиот со 49, Југоисточниот со 46,… а најмалку одбренија, осум, се издадени во Североисточниот регион.

Од вкупниот број издадени одобренија за градење, 151 (49 проценти) се наменети за објекти од високоградба, 43 (14 проценти) за нискоградба, а 114 (37 проценти) за објекти за реконструкција. Инвеститори на 180 објекти или 58,4 проценти се физички лица, а деловни субјекти на 128 (41,6 проценти) објекти.

Во извештајниот период е предвидена изградба на 562 станови, со вкупна корисна површина од 50 294 метри квадратни. Од вкупниот број предвидени станови, 357 се во Скопскиот регион, односно  190 во општина Ѓорче петров, 145 во Бутел, 10 во Центар. Нови 84 станови ќе има во Југозападниот регион, од кои 41 во Охрид, 27 во Струга, 16 во Кичево…Во Полошкот регион се планирани 67 стана, а во Североисточниот само еден и тоа во Липково.