Граоначалникот на Град Скопје, Коце Трајановски, денеска, оствари средба со поголем број сопственици на угостителски објекти од повеќе локации од Скопје.
На оваа редовна средба помеѓу градоначалникот Трајановски и сопствениците на угостителските објекти, се дискутираше за повеќе теми и се разменија идеи за подобрување на состојбата со забавниот живот и понуда во Скопје.
- Една од насоките каде што доминираа нивните предлози се дека треба да се зголеми културно-забавната понуда, пред се во летниот период. Сметам дека на овие средби тие ни дадоа голем број одлични и супер идеи, кои во наредниот период ќе ги разгледаме и повторно ќе се сретнеме со конкретни насоки за да ги реализираме истите. Целта е во месец август да понудиме одлична забава во Скопје. На 8 август во Скопје ќе се одржи Фудбалскиот Супер куп, а од 7 до 12 август ќе се одржи и Скопскиот Пиволенд и практично од тогаш ќе започне големата забава во Скопје. Сметам дека сите тие што ќе останат во Скопје овој период, како и тие што дополнително ќе го посетат нашиот град, ќе бидат пречекани со многу забава и интересни содржини – кажа градоначалникот Трајановски.
Претставниците на сопствениците на угостителските објекти потенцираа дека имаат одлична соработка со Градот Скопје, и имаат редовна комуникација за сите идеи, предлози и проблеми со коишто се соочуваат.
