Близнаците се личности кои се однесуваат како мали деца кои никогаш не сакаат да пораснат.  Тие се родени во периодот меѓу 21 мај и 20 јуни. Близнаците се воздушен знак и така тие се едноставни личности, кои наоѓаат среќа во малите нешта.

Кога се во врска, тие често се однесуваат несигурно и неодлучно.  Да сакате личност родена во знакот Близнаци значи дека иако мислите дека целосно ги познавате, сепак некогаш ќе се чувствувате како да не ги знаете воопшто. Тоа значи дека ќе постојат моменти кога тие се расположени и исполнети со енергија, а потоа ќе се однесуваат како да не сте им потребни. Ќе се прашувате што е погрешно  и иако можеби ќе бидете во право, тие никогаш нема директно да ви го дадат одговорот.

Кога сакате личност родена во овој знак, ќе продолжите да ги сакате иако понекогаш ќе мислите дека воопшто не ги познавате, не знаете што мислат и кој е нивниот следен чекор. Понекогаш стануваат депресивни без причина и изгледа како да не можете ништо да направите во однос на тоа, освен да ги прифатите. Иако ќе мислите дека имаат тајна и кријат нешто пред вас, тие не се такви личности. Едноставно им треба време да ја надминат таквата состојба, а потоа отворено ќе ги искомуницираат сите нешта со вас. Немојте да бидете изненадени ако подоцна ги споделат своите чувства и мисли со вас, а не во самиот момент кога минуваат низ тоа.

Оние кои некогаш сакале Близнак, знаат дека секој ден е различен, несигурен  и непредвидлив, што ги плаши и маѓепсува истовремено. Близнаците се многу комплексни, понекогаш многу силни, а понекогаш ранливи, понекогаш прерасположени, а некогаш претивки.

Сепак, кога сакате Близнаци, вашиот живот е исполнет со невидена среќа. Тоа е љубов богата со многу насмевки и спонтани моменти, длабоки разговори и силна поврзаност. Тоа е љубов која се карактеризира со напредок, возбуда, предизвици, промени, длабочина и вистина.

Кога сакате Близнаци, животот никогаш не е досаден.