Отстранет е дел од пругата лоциран во близина на кружниот тек кај црквата св. Петар и Павле, кој беше на самата сообраќајница на патот кон ,,Даме Груев” и Волково.
По дводецениското нефукнционирање и по добиената согласност од Македонски Железници Транспорт, Град Скопје преку ЈП ,,Улици и патишта” ги извади шините и праговите. На нивно место ќе се постави асфалт.
Со ова се решава уште едно сообраќајно прашање кое беше болна тема за граѓаните кои транзитираат на ова релација.