Избоденото момче на Рекорд е член на Комити, го избоделе Шверцери

Шеснаесетгодишното момче кое беше вчера прободено со нож на автобуската постојка „Рекорд" во центарот на Скопје е член на навивачката група Комити Запад, а го нападнале членови на групата Шверцери, се огласи вчера навивачкиот клуб Комити Запад, посочувајќи дека МВР треба да си ја заврши домашната задача и да ги уапси напаѓачите

По повод немилиот настан кој се случи попладнево (1. март 2018.) на Рекорд, каде што еден млад (16) член на нашата навивачка група „Комити Запад", враќајќи се од училиште беше брутално нападнат и прободен три пати со нож во пределот на стомакот - кој моментално е во болница и му се извршуваат хируршки зафати и е во лоша ситуација - од страна на три лица, членови на (не)навивачката група Шверцери, навивачката група реши да излезе со свое соопштение.
Ваквите настани се секојдневни и се' повеќе земаат замав и се косат против сите навивачки кодекси и правила. Но овие навивачки правила и кодекси за некои т.н. навивачи (ако може да се наречат и навивачи) не важат. Зарем некој треба да загине само затоа што навива за спротивниот клуб? Што ако и членовите на нашата навивачка група почнат да ги практикуваат нивните правила и да почнат да бодат со ножеви беспомошни деца и напаѓаат 10 против 1? Не е проблем, ќе ги заборавиме и ние сите тие навивачки кодекси и правила против сите оние кои сакаат така да играат и ќе одиме по принципот 'око за око - заб за заб', па ќе го видиме крајот каков ќе биде.
Прашање и до МВР. Што презема МВР во вакви ситуации, кога млади Македонци се напаѓани и прободени со ножеви од страна на Албанци? Само „се трага по сорителите" и толку? Како може секогаш да се трага по сторителите кога се работи за вакви случаи кога Македонци се напаѓани, но кога е обратна ситуација, експресно да се наоѓаат сторителите (некогаш и невини се осудувани, без разлика на фактот што не учествувале, но само колку да има некој осуден и тоа да се претстави на јавноста)?

На нашиот млад член му посакуваме што побрзо да закрепне од повредите.

Според информациите од МВР, крвавиот инцидент се случил вчера, околу 12 и 40 часот. Најпрво З.Т. бил нападнат од две лица, а потоа бил прободен со нож во пределот на стомакот.

Со возило на Итна медицинска помош момчето е префрлено во ГОБ „Св.Наум Охридски". Полицијата работи на расчистување на случајот.