Работете си ја својата работа, не гледајќи ни лево, ни десно, ни позади себе, ни пред себе, но секогаш високо поставувајте ја својата цел и барајте малку од светот околу себе (што помалку, тоа подобро), но многу од себеси и своите дела.
Уверен сум дека повеќето од нас уште од почеток си поставиле себеси премали и блиски цели и дека повеќето можеле и повеќе и подобро она што го направиле.
Посакувајте многу, работете смело и тежнејте кон далечното и високото, затоа што високите цели откриваат и повеќекратна сила во нас.
Храбро тежнејте кон совршенство на големите дела, а работете предано и трпеливо на ограничените и мачни детали без сјаен видик, евтино самозадоволство и голема суета.
Живејте со своите цели, а безпоштедно трошете се на сите невидливи работи кои се појавуваат секој ден и секој час.
Често помислувајте дека животот е посилен и светот е побогат отколку што ние можеме да видиме во тој даден момент и не заборавајте дека во секој од нас има непознати можности за да стекнеме сила додека се движиме. Да сакаш да одиш далеку и да посакуваш многу, особено кога станува збор за несебични цели, не е ниту грев, ниту е опасно.
Погрешно и опасно е човек да постави цел која премногу блиску, затоа што тоа значи да се изневери и себеси и другите, да му остане должен на животот.
Бидете неповерливи и реални, строги кон себе додека правите одредени работи, скромни при нивното оценување, но бидете храбри и великодушни кога поставувате цели – смело размислувајте и гледајте далеку!
Иво Андриќ