Хуманитарен настан и изложба на 80 слики изработени од децата од Дневните центри од Дебар, Делчево, Кичево, Велес, Гостивар, Кавадарци, Прилеп и Скопје ќе се одржи денеска во Македонскиот народен театар, во организација на Црвениот крст на Македонија.

Сликите, како што информираат организаторите, се подготвени со поддршка на ликовни уметници во рамки на работилници организирани изминатите два месеци.

Проектните активности во Дневните центри на Црвениот крст се имплементираат, со цел подобрување на социјализацијата на децата и младите со посебни потреби и социјална инклузија на лицата со посебни потреби.