Работите доаѓаат на свое место!
Ако имате деца, највеќе време ќе минувате со нив и најважна ќе ви биде нивната иднина. Генерално гледано, во текот на 2024 година ќе ви биде најважно да бидете во добро друштво со пријателите. Конечно ќе сфатите дека некои работи за кои се грижите, не се воопшто важни.
Првата половина од годината би можела да ви донесе мал сомнеж и збунетост, но позитивното влијание на Јупитер во вториот дел од годината ќе направи работите да дојдат на свое место. Некои Бикови ќе најдат некој свој нов интерес, а други ќе се насочат кон усовршување во образованието. Секако, ова е година во која ќе успеете да го откриете својот внатрешен потенцијал и да го искористите за добро.
Работа
Оваа година ќе биде прилично пријатна за родените во овој знак. Вашата напорна работа има голем потенцијал да ви донесе успех во текот на оваа година. Ќе бидете пофалени за вашите напори, а и од ваша страна, ќе покажувате сериозност во кариерата и ќе се вложувате многу.
Вашиот финансиски живот ќе биде подобар од вообичаено. Доаѓа до подобрување на финансиската состојба, но постои и можност за зголемување на вашите трошоци. Ако не ги контролирате своите трошоци добро, би можеле да бидете на нула. Финансиската состојба е најдобар од средина на април до средина на мај. Може да дојде и до заработка преку наследство.
Ова е година во која ќе бидете заинтересирани за набавка на ново возило, што ќе ви се покаже како добра одлука. Можно е да добиете понуда да работите со партнерство со друга личност, но ако тоа се случи, направете добра анализа на личноста и утврдете колку ви одговара.
Втората половина од годината ви носи нова пресвртница во вашата кариера. Вашиот труд ќе се исплати, а претпоставените ќе ја ценат работата. Некои постари колеги ќе играат голема улога во вашето насочување. Нивната поддршка ќе ви биде од голема помош за да знаете како да се поставите и да ја промовирате својата работа. Можно е овој период да ви донесе големо постигнување во кариерата или некакво унапредување.
Љубов
Вашиот љубовен живот ќе донесе измешани емоции во текот на 2024 година. Почетокот на годината не ви носи некои особено големи промени на ова поле, но за некои Бикови кои не се во стабилна врска, може да донесе разидување и крај. Не го ставајте своето его во љубовта, бидејќи тоа не припаѓа таму. За оние кои се во долга врска или брак, можни се мали конфликти, но ништо премногу значајно за да влијае негативно на вашиот однос со саканата личност.
За слободните претставници, можен е интересен контакт со личност од работа. Но, бидете внимателни на полето на љубовта, во периодот на мај. Некој би можел да си игра со вашите чувства во овој период, па затоа не треба да дозволите да бидете разочарани. Ако не сте сигурни што да направите, побарајте поддршка од блиска личност, но слушајте ја добро својата интуиција.
Ако почнувате нова врска, вашата комуникација ќе биде интензивна на почетокот, но ако тоа се смени со текот на времето, не треба да мислите дека чувствата не постојат.
Здравје
Вашето здравје би можело да биде послабо оваа година, така што ќе морате да бидете внимателни и да водите грижа за тоа како се храните, но и за вашата физичка активност.
Во првите месеци од годината ќе бидете весели и воопшто нема да водите сметка за своето здравје. Немојте да бидете мрзеливи и запишете се на некоја активност која ќе ви помогне и подобро да се носите со стресот. Освен тоа, не заборавајте на витамините кои ќе ви помогнат да го подобрите својот имунитет.
Хороскоп по месеци
Јануари – На почетокот на месецот ќе сакате да се фокусирате на своите цели за целата година. Свесни сте за својот напредок, но сакате повеќе. Вашиот љубовен живот почнува да цвета и се враќате на ова поле на голема врата. Ако сте сами, крајот на месецот ви носи една пријатна, романтична средба. Можни се професионални средби кои ќе ви потпомогнат во вашата кариера.
Февруари – Ве погодува многу енергијата на другите, па затоа избирајте паметно со кого го минувате своето време. Работете и делувате според сопствените уверувања и исклучете го сето она што би можело да стои на патот кон вашата среќа и напредок. Вашата љубов ја смирува саканата личност и затоа важно е да поминете повеќе време со неа. Слободните Бикови даваат се од себе, но некогаш работите се комплицираат. Кога тоа ќе се случи, имајте на ум дека можеби не станува збор за совршена личност, туку повеќе за идеализација од ваша страна.
Март – Позитивната енергија ви помага да ја вратите контролата над ситуациите во вашиот живот. Работите се враќаат на свое место. Можно е и враќање во вашиот живот на личност која ви значела во минатото. Во љубовта, важно е да не мислите само на себе, туку и да ги земете предвид потребите на другите. Избегнувајте конфликт од секаков вид, тоа нема да ве однесе никаде овој месец.
Април – Атмосферата е поинаква овој месец. Луѓето кои се околу вас се некако вознемирени, а тоа влијае на вас. Некои се конкурентни, други стануваат одмаздољубиви, а во овие моменти, тешко ќе ви биде да се разберете со другите. Не го сфаќајте тоа премногу лично, бидејќи не зависи од вас. Посветете се на радоста која ја наоѓате во домот и со вашите најблиски. Ова е месец во кој мирот ќе ви биде најважен.
Мај – Сега е вистинско време да ја активирате својата издржливост и одлучност и да тргнете на вистинскиот пат. За да успеете во тоа, можеби ќе ви биде потребна поддршка од некои колеги. Немојте да бидете премногу стуткани и крути, туку отворете се и побарајте помош. Вашата љубовна врска е водена од интуицијата и така ви е најдобро. За слободните Бикови, можна е средба со личност која ќе ви го окупира умот. Чувствувате желба сето слободно време да го поминете со нив.
Јуни – Охрабрени сте да продолжите со проектите кои се започнати. Имате силна доследност, која ви помага да се докажете на работното место. Луцидни сте и објективно ја согледувате ситуацијата, а тоа ги импресионира шефовите. Имате и добра енергија, а тоа прави колегите да ве обожаваат и да сакаат да ви помогнат во она што го преземате. Бавни сте, но упорни, а тоа прави чуда во текот на овој месец. Крајот на месецот ви носи значајна помош за напредок.
Јули – Во текот на овој месец, важно е да ја контролирате ситуацијата. Работите ќе напредуваат, но ќе морате да останете будни и посветени. Тоа може да влијае на вашиот приватен живот. Но, успевате да се докажете во најдобро светло. Искористете го слободното време за саканата личност, тоа ќе ви биде потребно при напорот кој го преземате на работа. Ако сте сами, работите изгледаат одлично за почеток на љубовна врска.
Август – Некој ве нервира на вашето работно место, мислите дека таа личност работи премногу, но без некој видлив ефект. Успевате да се поврзете со другите преку култура и уметност, а оваа состојба на духот ви одговара во целост. Тоа ви носи и нови личности во вашиот живот. Ако сте сами, би можеле да запознаете една посебна личност. За оние кои се во врска, егото би можело да биде најголем проблем.
Септември – Овој месец се насочувате на нешто важно, ја наоѓате својата ориентација и ги менувате своите навики. Луѓето кои претходно ве иритираа како да се тргаат од вашиот хоризонт. Успевате да го најдете мирот и спокојот кои ви се потребни. Ќе бидете активни на секое поле, а финансиите се подобруваат овој период. Имате одговорен и сериозен став, а тоа ви носи и одлични соработки.
Октомври – Ова е месец во кој вашиот шарм прави чуда. Но, важно е да ги прифатите луѓето онакви какви што се, без да се обидувате да ги менувате. Ако ве нервираат премногу, тогаш можеби ова е добар момент да се оддалечите од нив. Во љубовта, вашиот партнер би можел да биде поостар кон вас. Ако тоа се случи, не ја прифаќајте таквата игра.
Ноември – Вашето расположение ќе биде прилично деликатно во овој период. Имате некое чувство дека нешто не е во ред, а што точно, не знаете ни самите. Не ги сфаќајте работите премногу лично и буквално, бидејќи не знаете што се крие под површината. Слободните Бикови се вистински заводници во текот на овој месец. Ова е добар момент да се покажете во најдобро светло на ова поле.
Декември – Вашето трпение ќе биде минимално во последниот месец од годината. Можни се некои ситуации кои ќе ве иритираат, но тоа може да се должи на заморот од изминатите месеци. Пробајте да најдете баланс меѓу професионалниот и личниот живот и добро да се одморите. Ако сте сами, една случајна средба би можела да ви донесе одличен крај на годината. Но, внимавајте да не ја изгубите главата за таа личност. Некоја добра вест би можела да ја подобри вашата финансиска ситуација.
