Оваа салата ќе биде неизоставен дел од вашата трпеза, посебно освежувачка во овие топли денови!
Состојки:
500 гр компири
500 гр моркови
250 гр грашок
4-5 јајца
300 гр шунка
350 гр кисели краставички
600 гр мајонез (или 300 гр мајонез и 300 гр кисела павлака)
Начин на подготовка:
Компирот во лушпа сварете го во солена вода. Морковот излупете го, исечете го на крупни парчиња и сварете ги посебно, исто така во солена вода.
Одвоено сварете го и грашокот. Ако користите замрзнат грашок, гответе го не подолго од 5-10 минути, мерено од почетокот на вриење. Напоредно тврдо сварете ги јајцата. Се оставете да се излади. Компирот излупете го.
Компирот оставете го за крај, а останатите состојки исечете ги на коцкички и ставајте во голем сад. Истурете го сиот мајонез и добро промешајте. На крајот додадете го исецканиот компир и лесно промешајте. Посолете по вкус.
Чувајте ја салатата во фрижидер поклопена.
Послужете во чинии украсени по ваша желба.
