На филмската вечер која ќе се одржи денеска во Кинотека на Македонија со почеток во 20 часот, ќе се прикажува германскиот филм „За една девојка (Шарлин става крај)“.
Режија: Марк Монхајм, во боја, 105 мин., 2013/14
Шарлин, уште на неполни 16 години, преживеала обид за самоубиство и сега се обидува да се смири. Тоа не е едноставно: Татко Џеф бил исфрлен од мајка Сабине, таа живее само со наставникот по билогија на ќерката, има расправија со другарката Иса – и потоа Шарлин кај нејзиниот хаотичен психотерапевт го сретнува токму Линус, непопуларниот бубалица од класот; двајцата стануваат блиски. Во својот прв игран филм „ЗА ЕДНА ДЕВОЈКА“ Марк Мохнајм раскажува малку иронична приказна за периодот на растење, кога патот од збунетост води кон радост на животот.
