„Мојот град, наше наследство“ е насловот на Европскиот видео натпревар кој e посветен на убавината и културното наследство во градовите во Европа, а се случува во периодот меѓу 15 јуни и 15 август, 2018 г.
Право на учество имаат сите заинтересирани кои ќе испратат кратко видео за културното наследство во својот град или држава (2-5 минути). Можат да бидат прикажани споменици, згради и места по кои е познат градот, но исто така може да биде опфатена и традиционалната исхрана, концерти и ноќен живот.
Своите видеа можете да ги испратите на следната е-маил адреса: info@ied.eu до 15/08/2018 г. Доколку тие се подолги , можат да бидат испратени и преку WeTransfer платформата.
По селекција од страна на жири комисија, ќе бидат избрани две најдобри видеа, а победникот ќе биде избран на Фејсбук, според бројот на лајкови.
Официјалниот победник ќе биде објавен во септември , а тој добива можност да учествува на Фестивалот за солидарност кој се одржува во Стразбур, Франција, во ноември 2018 г. Сите трошоци за пат, сместување и храна за победникот се покриени.