Вчеравечер жителите на Стајковци беа вознемирени од детонацијата што ја слушнаа на првиот ден од отпочнувањето на изборната кампања.
Голем број жители на населбата беа собрани на самото место, а заради паниката што се прошири во тој дел од Скопје, некои од мештаните одлучија децата да ги однесат да преноќат кај свои роднини. Сите говореа за инцидентот и за нарушената безбедност во последниве месеци.
Вчера околу 21 часот во село Стајковци на ул.18 бр.26 во двор сопственост на А.Н. експлодирала експлозивна направа од која има оштетување на куќата и на ПМВ Рено со скопски регистерски ознаки. Повредени лица нема, а дополнително ќе се врши увид на лице место.
МВР засега не излегува со никаква информација околу инцидентот.
