Колач за уживање со скромни состојки, а раскошен вкус!
СОСТОЈКИ:
250 гр шеќер
200 гр маргарин
200 гр брашно
1 јајце
4 белки
150 гр мелени ореви
рендана кора од лимон
150 гр џем од шипки
НАЧИН НА ПОДГОТОВКА:
Во сад за матење ставете маргарин, јајце, 100 гр шеќер и матете со миксер додека шеќерот не се растопи. Потоа во садот додајте ситно изрендана кора од лимон, брашно и мешајте со лажица додека состојките не се соединат.
Намастете сад со маргарин, ставете ја смесата и печете 15 минути на 180 степени.
Разматете 4 белки, додајте ги останатите 150 гр шеќер и повторно матете додека шеќерот не се растопи. Додајте мелени ореви и измешајте.
Испечениот колач премачкајте го со џем, а преку џемот нанесете разматени белки со ореви.
Вратете во рерна и печете уште 15 минути на иста температура. Од горе премачкајте со уште еден тенок слој џем, па посипете со рендано чоколадо.
Уживајте!