Во рамките на јубилејот 25 години од постоењето на Авалон Продукција и со желба Скопје да биде континуирана туристичка дестинација, оваа година фестивалот Skopje Calling ќе трае два викенда!

Па така, со  огромно задоволство Авалон ви најавува дека хедланјер на првиот викенд на Skopje Calling 2018 ќе биде ALAN WALKER- апсолутно едно од најголемите имиња на електронската музичка сцена во во моментов, со настап на 2 јуни, сабота, на АРМ стадионот.

Иако има само 20 години, WALKER е еден од најслушаните артисти на денешнината, додека на YouTube, неговите хитови „Faded“, „Alone“ и „Sing Me To Sleep“ ги оборија сите светски рекорди на гледаност и ги покорија светските топ листи, а исто така имаат и платинест тираж во повеќе од 10 земји.

За оваа година, WALKER најави нова музика, како и светска турнеја, каде за прв пат ќе го види македонската публика и онаа од регионот на фестивалот Skopje Calling 2018!

Влезниците по цена од 1000 ден ПАРТЕР и 1500 денари ФАН ПИТ ќе бидат во продажба од 9ти февруари.

Наскоро очeкувајте многу ексклузивни објави во рамки на проектот „25 години Авалон Продукција“.