Додека да стасаат новите вакцини, граѓаните кои ќе бидат каснати од куче, против беснило ќе се штитат од државните резерви

Додека да стасаат новите пратки вакцини, граѓаните кои ќе бидат каснати од куче, ќе се штитат против беснило со вакцини од државните резерви, пишува Алсат. 

По неколкунеделен недостиг на серум против беснило на Клиниката за инфективни болести, но и во други болници, овие вакцини, според најавите на министерот за здравство, Венко Филипче, од следната недела ќе бидат испорачани на инфективните одделенија во здравствените установи во Скопје и во другите градови.