Директорката на „Лајка“ на седницата на Советот на Град Скопје влезе со куче - побара од советниците да го вдомат

Директорката на Јавното претпријатие за третман на улични кучиња „Лајка“ Тина Петрушевска на вчерашната седница на Советот на Град Скопје во салата влезе во куче од стационарот „Вардариште“. Таа побара од советниците да го вдомат кучето и со тоа да дадат пример и до останатите граѓани да згрижуваат улични кучиња, пишува СДК.

„Денеска решив со Двојка да дојдам на седница за да ги срушиме табуата. Двојка пред неколку недели беше оставена во стационарот, според раните на телото претпоставуваме дека ја користеле во борби за кучиња. Прегледана е од ветеринар, направени се сите тестови и нема никакви заразни болести. Се надевам некој од присутните во Советот ќе ја посвои“, вели Петрушевска.

Во стационарот во моментов покрај Двојка има уште едно куче за вдомување.

Град Скопје на денешната седница одобри 5 милиони денари субвенции за ЈП „Лајка“