Депонијата во Хром не им пречи на локалните власти

Граѓани на Хром бараат помош од општина Ѓорче Петров да им го реши проблемот со контејнерите на улицата „Воин Драшкоци“ или спроти „Панко“. Просторот околу контејнерите е вистинска депонија и е потенцијална опасност за зараза бидејќи во близина е детското игралиште.

– Секојдневно се полни, најмногу со кабаст отпад од околните инвеститори што градат згради. На контејнерите не им е место до детско игралиште. Треба да се дислоцираат подалеку и да се разретчат. Да се стават нови затворени контејнери. Конечно ова место да биде детско игралиште. Инаку го викаат „кај ѓубрето во Хром“ и тука се истовара ѓубре со возила и од други населби што не е во ред. Не одат заедно деца и контејнери. Тоа е потенцијална опасност од зараза. Спремни сме на разговор сите што живееме тука и нудиме решенија, но до сега никој не нè слушна. Се создаде депонија. За вашите решенија треба да сме сите запознаени, бидејќи треба да бидат функционални, а не само за пред камери. Ако веќе правите нешто, бидете транспарентни до крај. Не само колку да се направи, а проблемите да останат. Потпишавме петиција и е од петте околни згради. Тоа се многу незадоволни жители на населбава – стои во петицијата на станарите.

Тие очекуваат од општината да го исполнат ветувањето за дислокација на контејнерите и дека за брзо време ќе се заврши веќе започнатото уредување на паркот.

– Ако не се реши овој проблем ќе бидеме присилени да излеземе на ПРОТЕСТ и да ги побараме нашите права – реагираат жители на Хром.

izvor - Vecer