Ова е ситуација која секому се има случено: Сте биле во врска подолго од шест месеци и ве оставиле. Тоа многу ве боли, ви недостасува личноста со која сте биле во врска, се уште сте заљубени и постојано размислувате за тоа како да се смирите.
Што треба да направите? Како повторно да бидете со нив?
Од сите прашања кои ви се вртат во глава, воопшто не застанувате ниту за миг за да си го поставите прашањето дали е тоа добра идеја и не размислувате, сакате само да ја вратите саканата личност. Како да го направите тоа?
Овој проблем има различни пристапи, баш како што има и различни реакции при раскинување. Некогаш оставените партнери ќе ги прифатат новонастанатите факти, некое време ќе тажат, па ќе продолжат со својот живот. А некогаш нема да ги преболат поранешните партнери, туку ќе направат се за да ги вратат, а тоа најчесто не води никаде, особено не до поволен исход.
Понекогаш, оставените партнери ќе се потрудат да изгледаат како нови личности, да изгледаат како совршени партнери за поранешните партнери. А тогаш, кога ќе успеат да го остварат смирувањето, се враќаат на стариот шаблон на однесување. Секако врската повторно ќе пропадне.
Друга варијанта е оставените партнери да се обидат на секој можен начин да ги освојат партнерите кои ги оставиле, конечно да успеат во тоа и потоа тие да бидат страната која ќе ја прекине врската. Ниту едното, ниту другото не е одлика на здраво однесување и не води кон подобрување на ничиј живот.
Дали тоа значи дека смирувањето со поранешните партнери е секогаш грешка? Не баш секогаш, но за да може врската да има какви било шанси за успех и вие и вашите поранешни партнери морате навистина да се промените. Не само на кратки стази додека трае освојувањето, туку долгорочно.
Не сте можеле да функционирате заедно такви какви што сте, инаку не би ни дошло до раскинување, па затоа, ако не се промените и двајцата, обновената врска нема да успее, туку повторно ќе бидете повредени. А луѓето најчесто не се менуваат премногу. Дури и кога сакаат.
Желбата да се смирите со поранешните партнери е нормална фаза по раскинувањето и по одредено време проаѓа. Ако вие го дозволите тоа. Вие сте почеток и крај и вие сте оние кои мораат да пресечат и да решат да свртат нов лист.
