Чудото во црквата во Трубарево се повтори за Нова Година

Иконата на Пресвета Богородица која прв пат почна на мироточи на 9 Април 2016 година, повторно го повтори процесот, но овој пат со зголемен интензитет- објави Религија.мк

Верниците во црквата во Трубарево, кои на 1-ви јануари биле на утринската молитва останале биле воодушевени што иконата повторно почнала да мироточи, но овој пат со поголем интензитет.

За настанот известена е скопката митрополија, а верниците доаѓале да се поклонат и помолат пред иконата.

Дел од верниците кои ни ги испратија овие фотографии, велат дека чудото се повторило по утринската молитва, кога тие во црквата разговарале околу начинот како годинава да се прославува Бадник и Божик. Голем број верници биле за тоа да се празнува традиционално со бадникарски огнови, по што, како што раскажуваат тие, го забележале повторниот процес на мироточење.

Од Скопската епархија засега нема коментари за овој нов процес на мироточење на оваа икона.

Иконата на Пресвета Богородица во Трубарево мироточеше околу два месеци, по што процесот прекинал. Сега на првиот ден од Нова Година, тој чудтворен процес се повтори.