За љубителите на вкусни погачи еве еден одличен предлог:

СОСТОЈКИ:

300 мл млеко

1 лажица шеќер

500-600 гр брашно

100 гр маргарин со млеко

сол

масло

20 гр квасец

2 јајца

1 жолчка

семки

крупна сол

НАЧИН НА ПОДГОТОВКА:

Квасецот растворете го во малку млако млеко, додајте лажица шеќер, јајца, масло, остатокот од млекото, брашно, сол и замесете глатко средно тврдо тесто. Оставете да нарасне околу 30 минути. 

Развлечете го на маса и поделете го на два дела. Првиот дел развлечете го што потенко во голем правоаголник. 

Премачкајте тенко со маргарин. Развлечете го и другиот дел од тестото и исто така намачкајте го со маргарин и ставете го преку првиот. Свиткајте во голем ролат. Со остар нож пресечете го ролатот на половина по должина и свиткајте го во плетенка. Округлиот плех обложете го со хартија за печење, ставете ја погачата и оставете ја да нарасне. 

Премачкајте со жолчка и посипете со семки и крупна сол. 

Печете на 200 степени околу 35-40 минути.

Добар апетит!