Градоначалникот Шилегов вчеравечер во Старата скопска чаршија присуствуваше на традиционалната манифестација „Звуците на чаршијата“. Шилегов на бројните посетители им посака да уживаат во богатата музичка и културно уметничка програма што ги нуди оваа мултимедијална и мултикултурна манифестација во срцето на Скопје.
Голем број концерти, изложби, фолклорни настапи, поезија, филм, ликовна колонија и презентација на стари занаети се дел од богата програма на овогодинешното 13 издание на „Звуците на Чаршијата“.
Манифестацијата е во организација на Културно-информативниот центар (КИЦ), а се реализира со финансиска поддршка од Град Скопје.