Бесплатни содржини и услуги за корисниците на Телеком кои имаа прекин на услугите

Корисниците на Македонски Телеком коишто имаа прекин на услугите во текот на вчерашниот ден како последица на невремето, во месец јуни ќе добијат бесплатни услуги и содржини како надомест. 

Сите корисници на телевизијата MaxTV ќе можат да ги гледаат бесплатно каналите вклучени во Sport HD и Pink & Grand пакетите, како и каналите M1и M1Gold. 

Корисниците на Smart постпејд услугите и Мagenta 1 пакетите ќе добијат двојно повеќе мобилен интернет во месец јуни, a oстанатите постпејд корисници на Македонски Телеком, истиот месец ќе добијат 1GB бесплатен мобилен интернет.
Двојно повеќе мобилен интернет бесплатно во месец јуни, ќе добијат и бизнис корисниците на Македонски Телеком, односно корисниците на  Magenta 1 Business пакетот  и Business Mobile услугите.  Останатите бизнис постпејд корисници, ќе добијат 2 GB бесплатен мобилен интернет за месец јуни.

Македонски Телеком уште еднаш им се извинува на корисниците за вчерашниот прекин на услугите.