Портпаролот на Град Скопје, Валон Салиху, вели дека градските служби реализираат активности против наездата на комарци, напротив коментарите на социјалните мрежи кои прикажуваат незадоволство кај граѓаните. Како што вели Салиху дел од граѓаните се во заблуда. Градот редовно прска против комарци, но новите авиони кои го спроведуваат прскањето не се толку бучни како претходни, пренесува Фокус.
„Деновиве гледам дека голем број од граѓаните не се соодветно информирани во врска со активностите кои ги има спроведено градот во врска со прскањето против комарци. Процедурите и користеното средство се тие истите како и до сега. Новитет ова година се авионите кои не бучат како тие претходните, и претпоставувам дека тука е и збунката зошто луѓето мислат дека не се прска“, вели Салиху.
Според него до денеска спроведени се две фази од вкупно 5 или поточно вкупно 18 денови прскање. Следната (трета) фаза почнува овој викенд, а во текот на август (најдоцна почетокот на Септември) се очекува да се заврши со сите 5 фази (ако временските услови го дозволуваат тоа).
Точниот редослед на активностите:
Фаза 1:
– Од 3ти до 7ми Јули, од земја е прскано против возрасни форми на комарци (5 дена)
– 7ми и 8ми Јули, од авион е прскано против возрасни форми на комарци (2 дена)
– 14ти Јули, прскано е против ларви од комарци од авион (1 ден)
– 16ти Јули, прскано е против ларви од комарци од земја (1 ден)
Фаза 2:
– 21ви и 22ри Јули, од авион е прскано против возрасни форми на комарци (2 дена)
– Од 22ри до 26ти Јули, од земја е прскано против возрасни форми на комарци (5 дена)
– 6ти Август, прскано е против ларви од комарци од авион (1 ден)
– 7ми Август, прскано е против ларви од комарци од земја (1 ден)
