5 сигнали дека на вашето тело му треба чистење

Нашето тело секојдневно е изложено на разни токсини од храната, водата и воздухот, а очигледни показатели дека нешто не е во ред се секако знаците кои ги покажува нашето тело.

Колку и да се трудиме да живееме здраво, по одредено време може да дојде до насобирање на токсини во телото, а тоа може да се забележи по неколку јасни знаци:

1. Промени во расположението

Стресот е лепило за токсини кои го ослабуваат организмот и предизвикуваат снижување на енергијата заради што се појавува нервоза, лутина, љубомора...

Совет: Научете да се релаксирате - ова е најдостапниот и најефикасниот лек против стресот.

2. Подуеност

Брзиот дневен ритам нè тера да посегнеме по нездрава исхрана, заради која ни се таложат шеќери и масти кои во комбинација со стресот го забавуваат метаболизмот и предизвикуваат подуеност.

Совет: Во прехраната внесете што е можно повеќе состојки кои ги елиминираат токсините од телото како јаболков оцет, лимон, свежо овошје и зеленчук, чај од коприва и бреза...

3. Ниска концентрација

Тивок показател дека телото е затруено со токсини е лошата концентрација.

Совет: Телото е како компјутер на кој од време навреме му треба „restart“. Научете ги симптомите кои укажуваат дека е време малку да одморите за да ви се вратат енергијата, концентрацијата и мотивацијата.

4. Знаци на кожата

Испукани капилари, масна кожа, сува кожа... Сите овие знаци на кожата се последици од токсините кои спречуваат корисните материи да ја потхранат кожата и да ја направат здрава и еластична.

Совет: Физичка активност, пилинг и масажи - ако се дел од вашата секојдневна рутина можете да се ослободите од токсините, а кожата повторно да биде здрава.

5. Потреба за нездрава храна

Поголемата потреба за јадење нездрава храна е јасен знак дека телото е влезено во магичниот круг од кој се создаваат повеќе и повеќе токсини.

Совет: Испланирајте неколку денови за темелно чистење на организмот со свежо цедени сокови, исфрлете ги јаглехидратите од исхраната и месото и пијте вода за детоксикација.