5 европски градови кои се прекрасни во зима

Иако голем дел од луѓето го преферираат летото за патување, сепак зимата носи своја магија. Покрај божиќните маркети, многу градови изгледаат прекрасно во зима.

1 – Копенхаген, Данска

Кога ќе го посетите градот на hygge ( данскиот концепт за пријатно живеење) ќе се заљубите ов зимската магија и боите на овој град. Целиот концепт е присутен во хотелите, кафулињата и генерално сите места кои ќе ги посетите.

2 – Халстат, Австрија

Ако сте присутни на социјалните мрежи и љубители на патувањата, тогаш сигурно сте забележале некоја од преубавите фотографии од овој град/селце. Градот овозможува посета на цркви изградени во 12 век, убави ресторани и пазари со зимскиот шарм на Австрија.

3 – Берлин, Германија

Германија е позната по своите божиќни маркети за време на празниците, а Берлин има 60 од нив. Освен тоа, тој нуди и богата клупска сцена, но и кафулиња и историски места кои можат да ве освојат.

4 – Будимпешта, Унгарија

Зимата е најубав период за посета на Будимпешта. Мразот на Дунав, убавите кафулиња, спа бањи и историските места  се одлични за посета во текот на зимските денови.

5 – Виена, Австрија

Виена е изгласана за најдобар град во Европа за 2018 година и оваа титула и припаѓа без оглед на годишното време. Но, оваа австриска престолнина е особено убава во текот на зимата кога можете да уживате во преубавите десерти, топло чоколадо и да уживате во надворешните концерти.