На Клиниката за инфективни болести во Скопје вчера се прегледани двајца пациенти затруени со храна од сендвичарницата „Седмица“ во Лептокарија, а стабилна е состојбата на хоспитализираните шест од 26. лица кои побарале помош откако јаделе во оваа сендвичарница.
- Прегледаните пациенти не се задржани во болница, а со подобрени симптоми во повлекување се претходно примените шест пациенти, информираат од Клиниката за инфективни болести.
Таму се прегледани 14 пациенти, а само еден е примен на болничко лекување.
Со симптоми на труење по конзумирање храна од „Седмица“ за преглед на Клиниката се јавиле вкупно 28 лица, од кои тројца се префрлени во ГОБ „8-Ми Септември“.
Сендвичарницата е затворена, а по налог на Санитарната инспекцијата треба да се изврши нејзино темелно чистење, како и дополнителни здравствени прегледи на сите вработени.
Земени се мостри од храната, како и брисеви од работната површина и од вработените. Резултатите од микробиолошките анализи, според најавите, треба да бидат готови денеска.
