Занесени, непредвидливи, креативни, по малку изгубени во времето, интуитивни, љубопитни, ги красат силни чувства... Ова се луѓе за кои повеќето би рекле дека се малку чудни, поинакви...
Има нешто шармантно и неодоливо во овие луѓе, тие како да го гледаат светот од сосема поинаква перспектива, а она што го прават и одлуките кои ги носат се поинакви од оние на другите луѓе.
Но, што е она што ги издвојува овие луѓе од другите? Следната листа е посветена на сите такви луѓе. Ова е листа со 22 работи кои уникатните луѓе ги прават на поинаков начин:
Тие добиваат инспирација во најчудниот момент. Тие не можат да одлучат кога ќе се појави следната голема идеја. Едноставно таа сама се појавува кога најмалку очекуваат.
Тие мечтаат. Многу. Тие се тука, а и не се тука. Можат да одлетаат со своите мисли во кој било момент. Не им се лутете, тие едноставно се такви.
Лесно им станува досадно. На нив им е потребен поттик за да останат активни. Нема да се сосредоточат на нешто што не им се допаѓа.
Ти го гледаат светот како деца. Дел од нив никогаш не влегува во светот на возрасните и можеби во тоа лежи клучот на успехот.
Тие ќе доживеат неуспех, но можете да бидете сигурни дека повторно ќе се обидат. Животот не е лесен за нив. Многу често се соочуваат со неуспеси, но секогаш знаат како да станат и да успеат.
И покрај тоа што сите околу нив ги убедуваат да „станат сериозни“, тие не обрнуваат внимание на тоа и едноставно ги следат своите соништа.
Тие ќе го следат своето срце, иако често нивното срце е во конфликт со нивниот разум. Целат дека креативните луѓе помалку се грижат за проблемите и повеќе ризикуваат. Тоа носи неуспеси, но и многу задоволство.
Се губат во време и простор, особено кога создаваат нешто. Некогаш забораваат да јадат, пијат, па дури и да спијат.
Тие работат кога вие спиете и спијат кога вие работите.
Онаму каде што повеќето луѓе гледаат потешкотии, тие гледаат можности. Тие ја гледаат светлата страна на животот и брилијантно излегуваат од неприликите.
Тие се заљубуваат во своите дела, а потоа не можат да го поднесат она што го создале.
А понекогаш се случува и обратното. Прво не го поднесуваат она што го создале, а потоа се заљубуваат во него.
Тие се и скромни и горди во исто време. Секогаш се подготвени да учат, но секогаш ќе се гордеат со своите успеси.
Секогаш бараат нови начини за да се изразат.
Знаат да одолговлекуваат. Секогаш ги почитуваат зададените рокови, но сѐ прават во 5 за 12.
Секогаш ги разгледуваат ситуациите од повеќе агли.
Не сакаат граници и ограничувања, а не се нешто ни по правилата.
Не сакаат броеви. Не е дека не ги бива, ама не се нешто по математиката.
Тие многу добро забележуваат работи и ситуации околу нив, најчесто до најмалиот детаљ.
Секогаш создаваат нови искуства.
Сѐ ќе направат одново. Ако работат на нешто и мислат дека не е добро, немаат проблем да почнат одново.
Тие сакаат. Сѐ. Го сакаат животот, ги сакаат луѓето, емоциите, животните, убавината. Тие можат во тишина да го гледаат зајдисонцето или да бидат возбудена за некоја нова претстава.
Без оглед на сѐ, нивната љубов кон животот е заразна и ако имате такви пријатели, држете ги до себе, тие сигурно ќе ви го разубават животот.
