Секој човек има свои добри страни и лоши страни. Но, понекогаш она што навидум изгледа како маана, всушност е позитивна карактеристика.
Велат дека човек искрено е заљубен кога ги прифаќа и љуби мааните на другиот. Тврдоглавите девојки не се ништо поинакви.
А, ова се 11-те причини зошто треба да се заљубите во нив:
1. Таа знае што сака
Тврдоглавата девојка знае точно што сака и не ѝ претставува проблем да го брка тоа. Таа знае како да се справи со своите чувства и кога станува збор за работи и луѓе што ги сака, тврдоглавата девојка вложува максимален труд. Заљубувањето во девојка која е тврдоглава значи дека таа е тврдоглава за вас. Таа ќе ве љуби без разлика какви луди работи ќе се случат помеѓу вас двајца.
2. Таа е синхронизирана со своите емоции
Жените се емотивни суштества и тоа е прекрасно. Но, најдоброто нешто кај тврдоглавите девојки е што тие се синхронизирани со своите емоции. Таа знае што ја лути и за што точно се бори макар и со последниот здив. Да бидете тврдоглав значи да имате многу чувства – тврдоглавите девојки се многу емотивни, но на добар начин.
3. Таа ќе ве мотивира да бидете подобри
Да бидеме искрени – понекогаш таа ве знае подобро отколку што вие самите се знаете. Таа ќе се бори за вас кога знае дека тоа е за ваше добро и ќе биде непоколеблива кога се работи за вашето здравје, безбедност или среќа. Таа нема да ве остави да се уништите, туку таа постојано ќе бара начини да ве сака повеќе и да ве натера да се сакате себеси повеќе.
4. Има причина зошто е тврдоглава
Можеби затоа што морала да се бори за нешто што сметала дека го заслужува, или поради нештата кои не дошле по лесен пат до неа. Без разлика која е причината, таа е тврдоглава со некаква цел. Таа е силна и мотивирана за работите што ги сака. Тоа не само што ќе ве инспирира туку и ќе ја направи неверојатен партнер.
5. Таа е искрена
Тврдоглавите девојки не се од оние типови кои ќе се сложат со сѐ што ќе кажете само поради страв, слабост или сожалување. Таа има храброст и таа ќе биде реална и искрена со вас. Веднаш ќе ви каже ако не се сложува со вас, а тоа ќе создаде една искрена и приземјена врска.
6. Ќе направи работите да бидат интересни
Поради нејзината тврдоглавост честопати може да имате конфликти. Но, кој би сакал да се заљуби во некој кој се сложува со апсолутно сѐ? Секако, дека врската со тврдоглавата девојка значи дека нештата ќе бидат малку потешки одвреме-навреме, но во тоа е убавината – таа ќе ги одржува работите да бидат страсни, комплицирани и пред сѐ, вистински.
7. Таа е емпатична
Факт е дека често ќе се карате и таа често ќе победува, а сепак ќе ја согледува и вашата страна на приказната. Секако дека има силни чувства, но тоа не значи дека вашето мислење нема да биде земено во обѕир. Можеби не секогаш ќе се сложувате, но таа се држи до она во што верува, а во овој луд свет тоа е навистина важно.
8. Тврдоглавата девојка има самодоверба
Да бидете тврдоглави значи да имате доверба во она во што верувате или до кое се придржувате. И плус, девојките кои имаат самодоверба се неверојатно секси.
9. Таа е страсна
Тврдоглава, емоционална и има сопствени желби и копнежи, лични работи кои ги сака и силни чувства за вас. Таа не е тип на девојка која ќе потклекне на предизвик, нити ќе молчи ако нешто не ѝ се допаѓа. Тврдоглавата девојка ќе запали пламен во вас и ќе ѝ ја даде потребната искра и оган кои на секоја врска ѝ се потребни.
10. Тврдоглавата девојка ќе се грижи за вас
Таа е тврдоглава, но тврдоглава за вас. Таа ќе биде тврдоглава и во моментите кога е во прашање односот на другите луѓе и секако нејзиниот однос кон вас. Таа ќе направи да бидете еднакви и дури ќе ве стави пред неа. Таа ќе ве сака и кога ви е лута и кога вие ѝ сте лути. И поради нејзината тврдоглавост, таа никогаш нема да се откаже од вас.
11. Ќе ве полуди, но на добар начин
Таа секогаш ќе ве предизвикува. Нема да се сложува со вас и тоа многу јасно ќе ви биде посочено. Но, таа ќе ве љуби со сета сила и ќе ве полудува. Нема ништо лошо во тоа да бидете луди и заљубени.
